模特兒張可義（Emily）五年前收過朋友送贈的鬆弛熊公仔禮物，自此便成為這隻可愛熊仔的忠實粉絲，家中多款用品如儲物箱、杯碟、紙巾套、地氈、甚至睡衣都有鬆弛熊份，其中一隻白色鬆弛熊公仔更是她的幸運熊仔，即使現時她搬出去自住，也一定會將熊仔帶在身邊。Emily更會用盡方法收集更多鬆弛熊物品，她提到早前到高雄一些攤檔時的「瘋狂」經歷：「可以儲印花換嘅都會換晒返嚟！隔籬有檔啤酒檔，買一Set酒就有得換一盒蛋，入面有鬆弛熊筆，一盒有六款，我見到即刻忍唔住一次過換晒六款返嚟，當手信拎返香港慰勞自己！」

無論搬去邊，Emily都會帶埋幸運熊仔（左下）！

Emily儲到一屋都係鬆弛熊物品，果然係狂粉！