中葡混血女模布睎尤（Raico）擁有32D驕人身材，但她未有因胸大的煩惱而放棄運動，反而愈做愈起勁！Raico夏天經常相約一班好友出海玩，其中她獨愛Wakeboard（花式滑水）這項水上運動：「我好鍾意玩Wakeboard，雖然係講求臂力，但都係全身收身運動，所以好啱女仔Keep Fit玩。最近練緊360度轉身，大約試咗10次就學識！」Raico平日亦會到健身中心做Gym：「首先做半小時跑步機帶氧運動，之後舉吓啞鈴，因為就咁跑步係收唔到身。（唔怕練到肌肉型？）女仔要食好高蛋白質食物先有肌肉，唔怕。」至於女生一向追求的白皙膚色，Raico反而唔恨：「可能我係Mix嘅關係，本身唔係好白，蜜糖色仲Sexy啦！」

炎炎夏日，Raico（右）經常約埋三五知己遊船河。

Keep住做Gym的Raico對於變成「肌肉女」表示未驚過！

Raico最愛出海玩Wakeboard，曬太陽之餘順便晒身材！