組合C AllStar三位成員昨日探訪長者，問到為何三缺一？三子踢爆缺席的釗峰正旅行療傷。同場的保良局副主席陳細潔則自爆中秋多人約，但部分追求者令她怕怕。文：影視組

C AllStar三子踢爆釗峰外遊散心療傷，但唔係情傷。

釗峰

陳細潔自爆有追求者認識三個月就求婚，令她怕怕。

昨日C AllStar成員On仔、Jase及King與保良局副主席陳細潔到藍田探訪社區中心，宣傳將於本月26日舉行的籌款騷《星光熠熠耀保良》，三子與長青設計中秋心意卡，又即場獻唱及派月餅，冧得一班「老友記」拍爛手掌。

拒瘦蜢蜢心口碎大石

他們透露慈善騷當日不在香港，故昨日先進行探訪，問到若下次再參與時會有甚麼表演？On仔表示在安全範圍內，任何高難度演出也可接受，King卻笑說：「我驚心口碎大石，我哋太瘦，怕碎完大石自己都碎埋。」

陳細潔被追求者嚇怕

提到昨日未見另一位成員釗峰，三子指他正外遊散心，記者笑問釗峰是否失戀要散心？起初三子扮有口難言，其後才說：「唔係，因為之前我哋開騷佢最緊張，表演期間佢又整親，膝頭爆缸，所以佢係去療傷！其實我哋三個都有去旅行，Jase同King仲喺日本相遇，真係夾都冇咁啱！」

同場的陳細潔透露已邀得那英、張智霖、Twins、G.E.M.、杜麗莎、許廷鏗及胡鴻鈞等演出，善款目標逾千萬。

問到中秋是否想「人月兩團圓」時，向來多追求者的細潔表示有不少人約她，現正挑選中，並笑說：「好多人識我兩、三個月就求婚，可能我係待嫁樣，但我唔習慣咁迅速，人大咗要好謹慎，但好多個話唔嫁就搵第二個，咁就唔好阻人啦！我自己覺得係寧缺勿濫。」