効力無綫11年的徐子珊近日約滿，不少本地及內地經理人公司向她招手，更有公司開價3,000萬利誘，掀起一場爭奪戰！但忙於準備考試的子珊表示，現時滿腦子均是設計的功課，合約一事待畢業後才決定！

徐子珊約滿無綫，多間中港公司爭住簽，但忙於考試的她表示試後才慢慢諗。

徐子珊（中）參選港姐並當選冠軍。

處女拍戲的徐子珊即獲金像獎新人獎。

徐子珊曾以跳唱歌手身份進軍樂壇。

文：影視組

無綫花旦近年約滿後紛紛離巢，繼視后胡杏兒轉投蕭定一後，另一位効力無綫11年的花旦徐子珊近日亦告滿約，雖然未與娘家續約，但仍不愁出路，貴為四料港姐的她可謂歌影視均有佳績，曾奪「飛躍進步女藝員」獎及「我最喜愛電視女角色」，更憑影壇處女作《跟蹤》奪得香港電影金像獎「最佳新人獎」，及曾橫掃各大樂壇頒獎禮的新人獎。

慢慢揀到啱

據知已有幾間本地公司及內地經理人公司與子珊接觸，當中更有公司不惜豪擲3,000萬欲打動子珊，曾於影壇有不錯發展的她，亦有意把重點放於電影上，無綫得知子珊意向後即透過邵氏與她斟洽，至於曾志偉旗下的公司，亦曾與子珊相約見面。

對於成為幾間公司爭奪的對象，子珊笑不攏嘴地說：「係有同唔同公司、獨立經理人傾緊，邵氏係其中一間，不過唔講太多住，呢排每日都忙緊功課，月底就考畢業試，要合格先有證書。依家食飯都諗緊設計，非常忙碌！所以新動向都要考完試先諗得，咁重要嘅決定梗係要認真對待。（傳有公司開價3,000萬簽你？）價錢不嬲都唔講得啦！我覺得合作關係除咗錢，仲有好多其他因素嘅。」

首選簽邵氏

至於無綫高層樂易玲則身兼邵氏電影的工作安排，對於子珊恨拍電影，她接受電話訪問時透露子珊首選考慮簽邵氏：「等佢考完我哋就正式埋牙傾，當然希望子珊留低，佢意願拍電影，我哋會幫佢安排，如有啱都會兼拍劇！」而花旦流失令無綫要急急力捧小花接棒：「我哋唔止花旦，外邊好多電影公司想搵，連小花好似陳凱琳同蔡思貝都有傾，只係度唔到檔期。」