向來欣賞克勤歌藝、兼是開騷夥伴的校長譚詠麟（阿倫），前晚率先「潛入」紅館觀看克勤及祖兒的綵排，為了「突擊檢查」克勤舞技，阿倫搞鬼地進入克勤的房間：「我特登嚟睇吓克勤跳舞有冇失禮人，睇完綵排我真係戥克勤高興，安樂晒！絕對冇失禮，仲跳得好好添！」

阿倫（左起）前晚「突擊檢查」祖兒及克勤在紅館騷的綵排，令兩人大為驚喜。

嚇完克勤，阿倫轉到祖兒的房間，不過今次他卻「出師不利」，被祖兒發現行蹤，祖兒笑說：「我其實一早已經望到佢，不過佢用一個嚇我嘅步伐同表情一路行過嚟化妝間，咁我都配合番佢，扮好驚訝，哈哈哈！」另外，克勤昨日在微博上載與祖兒準備開騷的合照，兩人狀甚興奮晒V。