藝人任賢齊（小齊）、舒淇及楊千嬅前晚出席電影首映禮，兼任導演及男主角的小齊，因怕被誤會「自肥」而未有安排與舒淇的親熱戲。而千嬅則大呻囝囝講嘢冇尾音，並笑指是報應！

小齊和舒淇在片中談了一場「點到即止」的戀愛。（設計對白）

舒淇大呻在澎湖拍戲後膚色深了不少。

千嬅笑言囝囝似足她一樣講嘢冇尾音。

藝人任賢齊、舒淇及楊千嬅等前晚出席電影《落跑吧愛情》首映禮，該片是小齊首執導演筒之作，他亦同時擔任男主角，小齊表示很開心與女神舒淇合作，不過怕被人誤會「自肥」而未有加親熱戲：「其實套戲誠懇，又有首歌叫《外婆的澎湖灣》，首歌比較清純，唔係好啱咁激烈。」

細心準備素油飯

舒淇則透露拍攝期間獲小齊體貼照顧，她說：「澎湖好曬，企十幾分鐘就會曬黑，拍咗個幾月後錦榮（蔡依林男友）先入嚟拍，佢白過我！」問到小齊如何報答她？舒淇指小齊為她帶來不少台灣美食，知道她逢初一、十五茹素，更特意準備素油飯。

千嬅公主聲湊仔

而前來支持好友的楊千嬅透露囝囝Torres講嘢冇尾音，笑言似足她之餘更是報應！她說：「我問老公點解會咁，佢就話你問番自己！我對住個仔已經公主聲O架啦！」問到會否鬧囝囝？她說：「唔會鬧得咁衰囉！都唔知喺邊度學番嚟。」她亦大談與老公丁子高平日的對話：「同佢講嘢會忟憎，聽唔到佢講，佢又話對住記者好專業，我問佢咁點解我聽唔到你講嘢，佢就話你知我個人o架！」

文：影視組