藝人王宗堯、JW（王灝兒）及王敏德夫婦等前晚到尖沙咀出席電影首映，王宗堯表示周末相約朋友睇球賽，問到緋聞對象Sarah（陳詩雅）會否同行？他承認雙方以電話及短訊保持聯絡：「佢未必想睇波。（發展進度？）佢要返學，我要工作。」至於對方是否答應當女友，他說：「未，試吓加把勁，要睇夾唔夾，多啲時間了解。」問他會否擔心戀情見光死，他主動提及日前被指與大胸女模同行一事，笑言日後出門會多加留意。

王宗堯提起緋聞女友Sarah即笑容滿面。

同場的JW透露與家姐及友人投資服裝生意及設計BB衫，又笑稱曾打算生12個BB：「依家知冇可能！（想生咁多？）等我老時有人陪。（到時有老公陪？）係，所以依家想生3至4個。」