近來重過校園生活、上課學珠寶設計的徐子珊，昨午約5時放學後，相約同學往中環買文具，一身清純學生Look的她淡妝示人，成個青春活潑晒！只見她與同學結伴往書店挑選筆和簿，有傾有講，似乎相當開朗。

徐子珊揀文具揀到眉飛色舞。

林青霞（右）與好友陶敏明出動選購靚衫。

另一邊廂，大美人林青霞亦於同場濕平，近來參加內地真人騷節目後頻頻亮相的她，昨日以全黑有型打扮與閨中好友陶敏明穿梭名店，睇完衫又睇鞋，忙於添置新裝。