前港姐冠軍陳凱琳大讚應屆冠軍麥明詩有潛質，寄語對方少理流言蜚語，又揚言支持一眾出爐港姐早些出道拍劇，完全不怕被搶飯碗。

陳凱琳（右起）與兩位靚人妻Ana及Jocelyn出席活動。

陳凱琳有信心「影後」，但唔敢諗提名「視后」。

名模Ana R.、Jocelyn Luko及前港姐冠軍陳凱琳（Grace）昨日出席活動，以露背裝晒靚背現身的Grace，被問到男友鄭嘉穎喜不喜歡她穿露背裝？她笑說：「冇問佢，鍾意啩？」

冇信心爭獎

提到剛出爐的港姐冠軍麥明詩近日搶盡風頭，她大方讚對方有潛質，並希望她在娛樂圈有成就，將來有合作機會。而有傳麥明詩遭其他佳麗杯葛，Grace力撐說：「唔使介意人哋點寫，真嘅友情唔使特登做畀人睇。」有傳新一屆港姐尚未卸任，便有機會參與劇集演出，更獲豁免參與訓練班，Grace認為是好方法：「早出道有着數。（你當年都獲豁免？）我有做旁聽生。」至於有傳她參演的台慶劇《張保仔》演員有很大機會角逐無綫年底頒獎禮獎項，她坦言沒有太大信心得獎。

Ana囡囡有智慧

懷孕七個月的Ana透露打算自然分娩，並已為B女取名「GY」，因發音與中文及韓文的「智慧」相近：「意思係智慧，其實呢個名本身媽咪想改畀我，不過用唔到，所以依家畀我個女。」而Jocelyn透露來年已接下不少工作，望兩年後生B。

文：名人組