視帝黎耀祥與視后田蕊妮出席台慶劇記者會，阿田在《無雙譜》中分飾男女角色，祥仔則手執兩套劇《梟雄》及《無》劇，難怪被視為熱門之一，而兩人亦互撐再得獎，阿田說：「有信心！但得失都有準備，到時再算啦！如果我個角色提名到視帝，實贏祥仔！」祥仔亦睇好阿田：「一個女演員扮男人，加上佢本身都係男人咁添！個難度贏晒，如果佢男女都攞晒，今年一定收視爆燈，創造奇迹！而我兩套劇有咩用，分薄晒啲票！」對於曾與老公杜汶澤傳不和的黃秋生亦有份拍《梟》劇，阿田即尷尬地說：「秋生我投第樣嘢！」事後她在電話中笑說：「我投佢（秋生）影帝啦！仲有其他好多帝！」

一個手執兩劇，一個分飾兩角，難怪黎耀祥與田蕊妮成為視帝后熱門之一！

此外，有份參演《無》劇的黃宗澤對於舊愛胡杏兒前日跟電影公司老闆蕭定一簽約，他表示看報道才知道，自言雖仍與無綫有合約，但坦言有公司挖角：「好正常，因為公司栽培得我哋好好。（心動？）未到時候，就算有超級無敵太空天價都冇用。」