「飽覽」情場人渣　鄭融學做高手

歌手鄭融與男友人前晚現身王迪詩的Talk Show，鄭融表示向來有看對方寫的書籍，故特來捧場：「我最鍾意睇佢講愛情嗰啲。（佢經常寫情場上嘅人渣，你係咪都遇過？）佢寫嘅故事比較激，幾好笑，好好睇，好有勉勵性。（之前喺情場受傷，需要勉勵？）有啲經歷人人都有，例如分手後點處理感情，睇吓唔同人點處理，佢睇嘢嘅角度好叻又大方。（依家變成戀愛高手？）唔係。」她又透露最近忙於宣傳新歌，近期亦看了不少舞台劇，有機會也想一試。