黃子華本月5日已在Facebook透露，會在前日「有嘢畀大家睇」，令一眾「華粉」議論紛紛，以為子華推出棟篤笑新片，令大家十分期待！講得出做得到的子華果然「找數」，在Facebook上載短片，但原來是為慈善機構拍攝宣傳短片，行溫情路線！

片段中先見子華探訪一名住在唐樓的獨居婆婆，帶同生果拜訪的他拾級而上，搞到上氣唔接下氣，終於到婆婆寓所，但竟先被婆婆「反搞笑」，笑他一直站着：「你同鄭裕玲就棟篤笑，你就棟篤企！」子華十分尷尬地說：「咁耐你仲記得嘅！」及後子華帶婆婆到慈善機構飯堂食飯，不但深入廚房直擊情況，更落手落腳做義工派飯給老人家，粉絲都大讚子華有善心！