洪天明以往經常打War Game，對於網上有售避彈衣，天明自言沒有收藏，亦不相信真正的避彈衣可公開發售，他認為軍用避彈衣及War Game避彈衣應是截然不同：「我哋嗰啲所謂避彈衣唔得o架，開槍一定打死！只係用嚟扮吓嘢咋！」

擁有多年打War Game經驗的何浩文，認為趙碩之的「避彈衣」只是戰術背心。

洪天明認為真正的避彈衣不會在網上公開發售。

柯嘉琪的槍械和避彈衣只屬玩具級數，故不會觸犯法例。

至於擁有碩士學歷的柯嘉琪有兩年打War Game經驗，她說：「我有喺旺角合法專門店買野戰用嘅槍械同避彈衣，但呢啲只係玩具級數，以我所知槍械未到某個火力、避彈衣冇加工過，都唔算觸犯法例，我識得有朋友屋企有四十支呢類槍、一堆避彈衣，當係儲玩具咁。」

至於有逾十年打War Game經驗的何浩文（Dominic）表示，趙碩之欲贈師弟古天祥的並非避彈衣，而是戰術背心：「一睇就知係戰術背心，就算正規嘅背心最多喺軍事上都只係做普通任務，只係擋吓刀仔，但Wylie呢件連擋刀仔都唔得啦，點擋子彈？建議用家拎定垃圾桶蓋出街，或者當件戰術背心係護身符！」