馬德鐘昨日與甄詠珊出席手錶活動，身為代言人的馬德鐘坦言有儲錶習慣：「最貴嗰隻四十萬，我每拍一套劇都會買一隻錶。（送錶畀太太？）送咗四、五隻，佢大學畢業都有送，覺得係一個紀念，記住當時嘅時刻。」提到內地有意規管真人騷，他說：「有聽聞，但節目內容好、質量好應該放鬆啲。」

馬德鐘自爆經常送錶畀太太，果然係好老公！

甄詠珊身穿低胸連身裙搶鏡。

而以低胸連身裙示人的甄詠珊，提起日前搭的士被侮辱時即眼泛淚光，她說：「佢鬧完我即刻開車，連我想鬧佢嘅機會都冇，好似門口狗咁！」她又透露昨午收到警方通知要到警署落口供。