唐貝詩昨日以Deep V連身短裙「爆乳」出席「香港貿發局香港鐘表展」活動，她坦言是配合大使身份及尊重場合，當記者笑稱天氣開始轉涼，她說：「要封胸喇！要暖吓心口，依家又冇拖拍，冇人可以攬，惟有用脂肪保暖。」單身的她踢爆媽咪寇鴻萍想做外婆：「佢為我同妹妹祈禱，希望我哋盡快搵到另一半。」對於胡杏兒簽約蕭定一，同經理人公司的她說：「好開心有個『家姐』。（唔驚分薄資源？）佢出名紅，我同佢唔同級。」又透露早已認識杏兒的男友Philip：「我識佢男友好耐。（佢溝過你？）冇，從來未見過佢溝人，不過杏兒同佢拍拖都好，起碼有傳媒睇實。（佢年底結婚？）唔知。」

身穿Deep V連身短裙的唐貝詩搶足「峰」頭。