落選港姐羅丹虹、吳佩欣、馬詩晴及朱嘉莉（Sunshine）等昨日到將軍澳電視城與高層樂小姐見面，商談發展。羅丹虹參選時曾因減肥而暴瘦，選美後即放肆大吃大喝，因而體重有所回升：「自己都脹咗，肥咗3、4磅，可以唔使戒口食牛扒、零食。」喜歡寫作的她現時趁有時間，即記下選美點滴，希望將來有機會出書，又想一嘗幕前工作，甚至參與幕後寫劇本。

曾為選美減到皮包骨的羅丹虹，落選後即喪食並增磅不少。

落選的吳佩欣（左起）、羅丹虹、馬詩晴及朱嘉莉有機會於幕前演出。

至於Sunshine自選美開始已落力減磅，現時仍保持弗爆體態：「啱啱仲去咗台灣旅行，都有食嘢但冇肥番，可能身體已經習慣咗。」身為眼科醫生學生的Sunshine被問到會否留港發展？她說：「都想試吓，屋企人都支持，想拍劇做主持。」而吳佩欣則希望有機會向新聞主播發展，可以每日與觀眾接觸，問到會否向樂小姐自薦做新聞主播？她說：「睇吓見面情況。」