未有入圍港姐決賽的李美琪（牛雜妹），昨日出席電台活動時與一眾嘉賓跳彈床，求學時曾屬體操隊的她笑言冇難度，而為上鏡着想，她有意再減磅：「其實依家都可以嘅，但想好睇啲，想減多5kg。」

牛雜妹仍未決定簽邊間經理人公司，似乎有很多選擇咁喎！

一直有指會簽約經理人公司，問到進展時，牛雜妹說：「仲未簽，但差不多。」至於是否加盟蕭定一旗下？她則沒有正面回應：「有同佢傾過，都要同屋企人研究吓，佢哋都叫我小心啲，睇清楚條款。」提到胡杏兒亦已簽蕭定一旗下，她說：「有了解過，都希望有機會合作。」