無綫娛樂新聞台主播潘盈慧對電影情有獨鍾，不時拉埋細妹入場睇戲，更由10多歲開始收藏戲票，至今已有數百張，她說：「開頭都冇咩特別原因要儲，見有啲係手寫飛又唔捨得唔要，擺擺吓就諗不如儲起佢，仲好細心喺戲飛後面寫番當日睇咩戲添，等第時大個咗可以回憶番！（點保存？）我會用個密實袋裝起佢，雖然有啲戲飛都甩晒色，有啲就隻角爛咗，但都冇所謂！」談到印象最深的電影，阿盈透露是學生年代瘋狂愛上《鐵達尼號》，先跟朋友觀賞完一次，及後與媽咪再度捧場。

潘盈慧自小開始收藏戲飛作紀念，至今多達數百張！

潘盈慧將戲飛疊起，而且每張都寫上戲名。

除了收藏戲飛，潘盈慧也有收集公仔膠布的習慣。

除了戲飛，公仔膠布亦是阿盈於學生時代的印記，她笑言小時候經常跟媽咪及阿姨飲茶，每次例必閒逛文具店，次次都有所收穫：「唔知點解嗰陣間間文具舖都有好得意嘅公仔膠布賣，起初都有貼，但後來唔捨得，最終又儲到一大堆！」