瓣數多多的藝人李思欣做生意出色就不在話下，但原來她早在18歲時已開始學中國劍術，除了強身健體外，又可以練出線條美，一耍幾得！ 文：雲妮

壓腿要夠低，動作才優美，睇吓思欣嘅標準示範啦！

思欣指耍雲劍講求速度，想耍得靚就要快手！

擁有跳舞底子的思欣，輕易做出抬腿動作！

思欣於18歲時學習中國劍術，即使多年來未有練習亦未見生疏。

思欣認為耍劍能顯出女生的曲線美，比男士耍劍更有可觀性。

出身演藝學院的李思欣，講演戲當然難不倒她，但原來對中國劍術亦有研究，早在18歲時曾習劍，她說：「其實學就只係學過年幾，係表弟介紹我去學，初初諗住學嚟防狼！」不過，思欣笑言學完中國劍術，其實並不可以用來防狼：「冇理由下下帶把劍出街嘛！」

雲劍求快 刺劍出力

中國劍術看似要剛勁有力，思欣指對女仔來說不會太困難，但要先練好基本功，開始前做好熱身運動如基本拉筋等動作：「女仔學中國劍術其實都幾好，唔需要好大嘅運動量，又唔會練出肌肉，加上女仔線條比較好，耍起嚟比起男仔好睇得多！」她認為學中國劍術可令肌肉變得結實、線條更美，而當初想學的另一原因則是看到電影《臥虎藏龍》中的楊紫瓊，耍起劍來十分有型。

至於會否很難上手？思欣透露最難的是記招式，因為花式比較多，而招式大致可分為「雲劍」與「刺劍」：「雲劍係指劍喺頭上招式，講求耍得快，比較重節奏感，要轉得快同轉得順，都需要時間去練習。」刺劍則是向前出劍，需要較大的力量，而刺劍動作通常要配合壓腿動作，壓得不夠低亦會影響美感，因此學習中國劍術，亦要求身體有足夠的柔軟度。

訓練耐性 細路都得

學習中國劍術期間，思欣曾公開表演數次，印象最深刻的就是考入演藝學院時作自選表演：「大部分考生都係唱歌跳舞，而我就係表演劍術！當時一拎把劍出嚟，啲評判即刻醒神晒，但我好唔小心耍到啲線！都幾搞笑，好開心可以吸引到佢哋！」

除了建議女仔習劍外，思欣亦建議家長帶小朋友去學，因劍術可訓練小朋友的耐性，而且運動量不算高，小朋友亦應付得來：「初學者同小朋友可以搵啲唔好咁利嘅劍鋒，咁就唔怕整親，始終要耍嚟耍去，如果把劍太尖、太利嘅，唔小心就會整親。」

鞋履：K-SWISS

服裝：Gourami

場地：啤啤熊藝術中心