歐錦棠前晚出席《星球大戰原力覺醒》首賣派對，他自稱是該系列的死忠粉絲，從1977年已喜歡《星戰》，他說：「最鍾意4至6集，前傳唔係話唔好，但始終爭咗份嘢，第7集有夏里遜福，好期待！（有咩珍藏品？）同古天樂比當然蚊髀同牛髀，但我有好多我（口靚）仔時代已經儲。」更指部分珍藏升值不少，若有事可割愛應急。同樣是李小龍迷的他，被問到與「星戰」相比誰較為重要？錦棠笑說：「冇得咁計，兩樣唔同嘅，正如黑武士同老婆跌落海，我救邊個先？我會救到邊個就邊個。」
