雨僑前晚偕胡耀輝及鄒文正走訪各大戲院，由天光跑到天黑，四出為電影《猛龍特囧》謝票，雨僑對獲得觀眾力撐感開心，又透露日前為了挑戰十公里賽事而努力，一改運動量極低的習慣，自認天生硬骨頭的她又笑言拉筋時已感覺有如被分筋挫骨，教練指導做屈曲動作時，她更覺得被「摺埋」，灑淚收場：「辛苦我預咗，參加馬拉松都係希望喺自己人生Timeline上有一個標記，做一件認為自己不嬲做唔到嘅事，依家唔做，第日就更加做唔到，只不過精神上我可以撐住，但肉體嘅痛真係忍唔到！拉筋係好痛（口架）！」搞到整個謝票過程都肌肉痛的她說：「我喺人哋見唔到嘅位置好似腰、腹都黐咗膠布，成個阿婆咁，呢幾日都會有排痛，希望遲吓好啲啦！」

雨僑（右起）、胡耀輝及鄒文正到戲院謝票。