羅霖、黃心穎、張秀文和鄭丹瑞等昨日在電視城出席無綫節目《活得健康嗎？》記者會，當中心穎及秀文於遊戲環節拗腰互鬥柔軟度，自認「冇腰骨」的心穎更晒出事業線搶鏡！秀文則穿露腰裝上陣，提到近日多作性感打扮，秀文笑稱全因天氣炎熱，而旁邊被指衣着較為密實的心穎即唱反調：「今日凍呀！」秀文立刻賣口乖盛讚心穎身體柔軟：「佢可以將自己捲成一個圈，好似車胎咁！我就跳咗十年舞都好硬！」

心穎BB自認「冇腰骨」，施展拗腰絕技。

而晒線現身的羅霖大爆近日不慎跣落樓梯，令右手掌骨凸出兼甩骹：「我唔小心跣落幾級樓梯，跌到Pat Pat瘀晒，要媽咪幫手捽。而且手痛之餘仲有舊骨凸出嚟！但我之後試衫再撞到同一個位，反而錯有錯着，撞番舊骨入去！」