組合C AllStar假伊館舉行的演唱會前晚來到尾場，一開始四子分別Solo表演，其中King與嘉賓顏卓靈跳舞，之後嘉賓蘇永康上台，他說：「我有朋友住喺新疆烏魯木齊，有日我見佢喺微信上載你哋嘅《天梯》！」他又勉勵四子要拍住上才可跨越一個個高峰：「你哋三十周年演唱會我應該仲在世，到時我再嚟做嘉賓好唔好！」而四子唱到最後兩首歌時，釗峰因感觸而落淚。訪問時，問到超時演唱要罰多少錢？四子直言不清楚，又笑言罰錢是一種福分：「未罰過咪畀佢罰吓囉！最緊要觀眾睇得開心！」他們更表示有觀眾指「好抵睇」，因為480元就能看到四小時的演唱會。