影帝周潤發在新片中以怒髮衝冠搞笑造型亮相，更在片場展示「刀插乒乓波」的絕技！片中他與張學友、劉嘉玲和張家輝等好友難得敍舊，故感激王晶撮合，造就了這個機會。

看招！周潤發出刀插乒乓波，搞笑之餘又夠Chok！

張家輝與周潤發不時密密斟，默契一流！

王晶（左起）、周潤發與劉偉強在片場有講有笑。

周潤發打到興起踩上枱面。

耗資幾十萬的「奀妹」，造型十分精細。

李宇春近年唱而優則演，今次更與影帝周潤發合作！

胡然的戲份不少於劉嘉玲。

文：影視組

影帝周潤發、張家輝與內地藝人李宇春及胡然，早前在一個影廠內拍攝王晶和劉偉強聯手執導及監製的新片《賭城風雲III》，周潤發更以搞笑Look亮相，怒髮衝冠的他穿上T恤短褲配長外套，帥氣依然，拍攝一場與張家輝、李宇春和張學友打乒乓波的戲份。周潤發展示用刀插穿乒乓波和用菜刀打波的威力，期間打得高興更將腳踏上乒乓波枱，十分霸氣！

「紅得都同佢合作過」

拍攝前周潤發先向李宇春和張家輝分享打波技術，不用埋位時又與張家輝密斟對稿，十分專業。期間，無綫製作及資源部總監樂易玲到場探班，並與周潤發敍舊。周潤發坦言今次與劉嘉玲、張學友和張家輝合作是難得的敍舊機會：「今次好開心嘅，大家走番埋一齊，好懷念。拍電影唔同拍電視劇，唔會日對夜對咁長時間。睇吓下一部等幾耐大家再走埋一齊。今次係靠王晶，係我哋報恩嘅時候，佢八十年代捧紅過好多人，紅得嘅都同佢合作過。」

讚張學友「逆生」

周潤發又表示對上一次與張學友合作是《八星報喜》：「都好多年喇！今次見番佢好開心，當年佢都未結婚，依家女都有埋，但個人仲後生咗，已經昇華咗到另外一個層次。我好佩服佢身體筋骨好柔軟，見過佢喺演唱會做一字馬、頭到膝頭又雙盤，我雖然行山做運動，但我嗰啲靜好多，到咁上下都要請教吓佢鬆筋。」

另外，《賭II》中的機械人「傻強」表現出色，王晶將加重其戲份，並加插女友「奀妹」，王晶說：「今次會增加愛情線畀佢哋發展。」而「奀妹」造型同樣一絲不苟，據知片方豪擲數十萬元度身訂造。

而李宇春近年活躍於電影，導演劉偉強十分欣賞其演出，她繼《十月圍城》與劉導合作過後，今次在《賭III》中有機會與周潤發、張家輝和張學友等紅星合作。