神秘人200萬約飯局 陳瀅鬧離譜似性騷擾

升呢為「宅男女神」的陳瀅（Jeannie）近日推出全裸寫真《半透明的舞孃》，大出「股惑」令一眾宅男流晒鼻血！向來形象清純的Jeannie雖然以氣質見稱，卻逃不出「飯局」邀約，日前她接受本報專訪時，大爆曾遇匿名人開價200萬邀請她出席飯局，並指當時為劇集《四個女仔三個BAR》出街後不久，她在自己的Facebook Fan Page驚見有匿名私訊開價相約：「我得閒就會睇吓自己個Fan Page，睇吓Fans寫畀我啲Message，嗰次就係《四》劇出街後冇耐，就喺Inbox見到有個匿名短訊，話畀200萬我約我食飯！」

半價搵「陳生」頂上

Jeannie指短訊令她感覺被性騷擾，並直斥離譜：「我覺得以咁樣嘅價約我食飯，一定會令人聯想到係啲不道德交易，好似畀人性騷擾咁！」事發後一天，Jeannie恰巧與《四》劇的監製陳維冠工作，她即上前告知「飯局」事件，並笑說：「拍咗你部劇之後，就有人邀請我去飯局，不如你帶我去啦，你都姓陳，因為嗰個人係稱呼我陳小姐，咁你同佢講陳小姐就冇喇，陳生就半價畀你啦！」

全裸拍戲睇對手

問到有否電影公司找她作全裸演出時？Jeannie表示未有電影公司找她，但出書後工作增加不少，沒有間斷。至於對全裸演出的片酬要求，她說：「冇話幾多片酬，都係睇番劇本合唔合理，同埋對手卡士，如果好似《色，戒》咁嘅製作班底就OK啦！」Jeannie的婆婆對於孫女推出全裸寫真表現擔心，並出動奪命追魂Call找她，怕她被騙。由於寫真反應良好，會加印一倍以應付銷情，Jeannie亦表示第二版寫真為限量發售，沽清後不會再加印。