王宗堯昨日出席活動時被封為「同志界男神」，但他自認「直不甩」，只喜歡女孩，更自爆試過拒絕男同志表白！但講到緋聞女友陳詩雅，他默認戀情「見光死」，更將對方降呢為朋友！

王宗堯雖然大讚男同志粉絲Sweet，但都不會被「拗攣」！

黃耀明視王宗堯為「同志界男神」，梗係要攬吓啦！

盧凱彤與黃耀明出席活動，展示粉紅色結他。

男神王宗堯、盧凱彤（Ellen）和黃耀明昨日現身活動，宣傳本月20日舉行的同志平權運動，主辦單位之一的黃耀明預告屆時會與男友結伴到場，而何韻詩及盧冠廷等擔任表演嘉賓。對於邀得王宗堯擔任活動大使，黃耀明大爆對方是「同志界男神」：「直定攣都當佢係男神。（係咪你男神？）當然啦！」對於有此稱號，王宗堯表示身邊也有男同志粉絲，並大讚他們Sweet：「探班就冇，但佢哋有在Facebook留言，都幾Sweet，唔係太過滋擾就OK。」

戀情「暫停」

王宗堯透露身邊有男性朋友近日被「拗攣」並公開出櫃，問到可曾懷疑自己的性取向？他自認「直不甩」：「冇試過，自己幾清晰係鍾意女仔！都有男仔向我表白過，但佢都幾識分，只話『我幾鍾意你』，因為佢都知我係直。」問到言下之意是否要向緋聞女友陳詩雅派定心丸？他說：「冇啦！唔係特別關邊個人事。」問到是否因與對方約會被偷拍後，令戀情見光死？他說：「都叫暫停，唔想未肯定前影響到其他人，自己係Artist所有事公開，但想保護其他人。（依家係朋友？）係。」

盧凱彤拍賣結他

為配合活動，有樂器品牌特製全球獨一無二的的粉紅色結他給Ellen屆時演奏，並會公開拍賣，問到目標競投價是多少？Ellen說：「至少五位數啦！六位數更好，支結他本身都值五位數。（自己會競投番？）我都想，但實有人出得高價過我，希望有人投完送畀我啦！好多有心人，唔使講咁白啦！」

文：音樂組　

攝：李柏儒