名模周汶錡（Kathy）與老公Julien昨晚一同出席Peter Cheung公關公司開幕活動。對於妹妹周麗淇與男友徐正曦分手，她愕然地說：「我唔知道，咁突然？佢依家喺北京拍緊劇，我未收到消息。」談到Niki在微博以「一切安好！保重！」回覆徐正曦，她說：「咁嘅嘢，完全係兩回事，即係大家揣測，等我了解吓先，答錯咗就唔好，可能嗰幾句說話有另一個意思。」有記者指已與Niki聯絡，她沒有否認分手，Kathy說：「冇否認咁咪係囉，等當事人講啦！（對上一次見佢男友係幾時？）都幾個月前。」

Kathy聽到Niki甩拖後非常愕然。

Kathy與老公Julien一起出席開幕活動。