柏豪寫歌冧女友

周柏豪與圈外女友Stephanie拍拖多年，感情穩定的兩人近年不時被影到孖住「濕平」，女方亦多次捧男友場，柏豪昨日以代言人身份出席整蛋糕活動，他說：「煮嘢唔叻。（好少DIY整嘢畀女友？）寫歌多。」當問到是否寫歌冧女？柏豪終確認圈外女友Stephanie地位說：「係寫歌冧女朋友。」首次公開女友身份的柏豪說：「冇否認過，只係一直低調，唔係好想講感情。」問到會否閃婚？柏豪說：「結婚係大件事，亦冇計劃，等我哋兩個人處理。」