胡諾言與陳琪的長女胡芷苓下月3日踏入6歲，陳琪趁暑假結束前安排大型派對，招呼逾百親友提早為女兒慶生，身為「廿四孝」媽咪的她笑說：「囡囡啱啱升小一，好掛住幼稚園同學，開咗學應該冇咁多時間玩，咪就佢一次囉，仲周圍搵地方訂佢近期最鍾意嘅公仔蛋糕！大家送咗好多實用嘅文具，好開心楊思琦同林盛斌（Bob）嘅小朋友都有嚟。」談到次女芷悠今日開學上幼兒班，陳琪說：「佢會跟住入讀姐姐嘅學校，間學校係『一條龍』煩少好多。（報好多課外班？）以興趣班為主，學吓跳舞畫吓畫。阿妹未學跳舞之前都跳得有板有眼，應該有啲天分。」

陳琪指女兒掛念舊同學，故特別提早開生日P，順道敍舊。

阿Bob女兒亦有參加生日派對，一班小朋友玩到癲。

楊思琦出席撐場，齊齊分享湊女經。

另外，阿Bob前晚於網誌留言「炸爆廁所」，他解釋：「呢排拍緊《我係小廚神2》，食完肚痛得好緊要，但未必關小朋友事，係呢輪食得太多。（海鮮未夠熟？）有導師在場，海鮮係熟嘅，但唔知買返嚟乾唔乾淨。」