「美心妹妹」楊鎧凝（Celine）與媽咪日前接受本報獨家訪問，對於開學在即，楊母只希望女兒繼續做「開心果」！提到捲入寫真風波，楊母坦言擔心女兒受流言影響，學校社工將留意她的情緒！文：名人組　攝：黎志輝

美心妹妹Celine雖捲入寫真風波，但未有影響心情，開學後會繼續做「開心果」！

楊媽媽擔心女兒Celine被流言蜚語攻擊，表示會與學校保持聯絡。

楊媽媽只要有Celine錫錫，一切難關都可克服！

開學啦！現年7歲的「美心妹妹」楊鎧凝（Celine）將升讀小學二年班，日前與母親接受本報獨家訪問。對於Celine日漸長大，楊母未有嚴苛的期望，只希望愛女可以繼續做一個開心果：「Celine真係好有禮貌同聽話，好多人都係咁樣評價佢，其實已經好開心！」雖然女兒比同年紀的小朋友出眾，但楊母從未因此而感到驕傲，只希望可以教育愛女成為一個懂得分享「正能量」的快樂小天使：「佢成日帶歡樂同正能量畀大家，係我哋嘅開心果，就好似幼稚園同小學時有同學仔嘅情緒有問題，佢會帶佢哋去見老師同一齊玩，令到佢哋開心番！」

母高齡懷孕險小產

楊母自爆當年懷孕期間，曾有過小產迹象，需要臥床三個月養胎：「因為自己係高齡產婦，期間要飲一啲好難飲嘅中藥，當時真係好驚會冇咗個BB，後來可以順利生Celine出來，真係好感恩，所以Celine啲膚色唔係白雪雪，老人家話係飲得中藥太多，引致膚色變成偏黑，細個佢喺幼稚園嘅花名係『黑妹』。」又指在愛女的成長過程中，難免會遇到辛酸事，但只要回想生產後看到Celine的第一眼，楊母自言沒有甚麼難關是克服不來！

暑假學溜冰玩魔術

自上月寫真集風波後再度上學，楊母曾擔心過流言蜚語會影響到Celine心情：「社工會喺學校留意佢嘅情緒，Celine性格開朗，我哋只係擔心有啲事情發生咗，佢會放喺心裏面唔講，日後同學校溝通好重要。」至於Celine則表示非常期待開學，更不時在社交網站分享四處玩樂的相片，以及學習溜冰及魔術等，更在魔術班取得證書，相信早已把不快事拋諸腦後！