組合As One隊長Shin因笑容甜美及青靚白淨而俘虜萬千宅男歡心，貪靚的她同時十分貪玩，加上近年潮興自拍，Shin坦言不時會自拍古靈精怪樣放上網，其中包括嘟嘴、Chok樣及扮嬲，問到擔不擔心影響形象？Shin說：「唔驚，反而好多歌迷鍾意睇我擺古怪樣，有時同佢哋合照都會擺。」

嘟嘴，Shin最愛自拍古靈精怪樣放上網，嘟嘴、Chok樣及扮嬲氹歌迷開心。

Chok樣

扮嬲

問到「嘟嘴」相是否最多Like？Shin笑說：「冇乜留意，有時氹吓歌迷開心囉！（有冇試過傳畀心儀對象？）冇，女仔要有矜持，同隊友或女仔朋友先會Share。」Shin透露曾自拍反眼及鬥雞眼相，她說：「實在太恐怖，唔敢Share出嚟，亦都第一時間Delete咗。」