外表斯文但自言「內裏暴力」的前華姐冠軍鄧佩儀（Gloria），打起泰拳時拳拳到肉，絕不手軟。一向熱愛運動的她，每朝必定跑步半小時至一小時鍛煉身體，自言並非「食極都唔肥」的她，現時雖然要主持飲食節目，但總是能保持美好身段，以完美的姿態示人。

Gloria踢腳力度十足，絕不欺場。

批(月爭)

起腳

膝撞，與教練對打的Gloria，起腳、批月爭、膝撞，招招夠勁。

掌上壓是練泰拳的其中一環，看似簡單，做起來都「大汗疊細汗」。

打沙包對Gloria來說，同樣冇難度。

戴上拳套的Gloria型格十足。

去年在朋友介紹下，前華姐冠軍鄧佩儀開始加入打泰拳行列。擁有一頭長曲髮、斯斯文文的她，打起泰拳即難以自拔，她說：「我好鍾意好暴力嘅運動，因為可以將唔開心、憤怒嘅事發洩出嚟，同埋自己中學嘅時候就鍾意劇烈運動，所以嗰陣有加入籃球隊。」對於泰拳，Gloria覺得絕對能練好體能。

找愛郎識打拳優先

選美出身的Gloria坦言，與她相熟的朋友都知道她私底下很暴力：「其實我本身好男仔頭，當初學泰拳嘅時候，教練都話估唔到我可以咁粗魯、咁男仔。」問到學泰拳是否能起到防狼作用，她表示從來未試過。

單身的Gloria被問到會否有興趣找Strong的男生當男朋友，她只希望找個愛錫自己的男友，不一定要強壯：「喺我嘅字典裏面冇分強唔強，不過如果有一個男仔識打泰拳，我覺得幾吸引。」

入得廚房出得廳堂

Gloria現時正主持飲食節目《搵食飯團》，要在節目中不停食嘢，對食多會肥的Gloria來說，運動量自然要比較大。不過熱愛運動的她，平時有跑步的習慣，而不是靠打泰拳來Keep Fit：「我每日都一定會抽半小時到一小時跑步，因為我好鍾意食嘢，同時亦做好多運動。我大學時候試過好肥、好腫，塊面好圓，喺我20幾年人生裏面，大學嘅時候係最肥。」除了喜歡吃，Gloria亦會下廚，至於最拿手的是甚麼菜式，她自豪地表示是煲湯，認真是「入得廚房、出得廳堂」。

文：Esther Wing

攝：劉智源