緋聞男女朱晨麗與張智軒，昨晚與朱千雪、錢嘉樂和洪天明等出席《拆局專家》結局飯，姍姍來遲的朱晨麗即引來同儕起哄。談到與張智軒的緋聞，朱晨麗說：「嗰日喺公司，佢都係順便車我，如果下下都有嘢，咁我冇晒朋友，我都知佢有老婆。」張智軒則說：「太太冇問，因為真係冇嘢。」而緋聞男女被要求合照時略顯避忌，身旁的嘉樂即「抽水」笑說：「自然啲，唔好畀人覺你哋身有屎！」二人又笑言希望新聞能替大結局谷收視。

朱晨麗（左起）與張智軒合照時顯得尷尬，要錢嘉樂「介入」。

身為劇集男主角的錢嘉樂則自掏錢包宴請同仁，問到有否預算？他笑說：「冇預算，冇上限！（酒水都入你數？）場內叫就我嘅，天明都帶咗廿幾支酒嚟。」他又搞笑表示要灌醉全場女同事，再由張智軒車返閨。