樂隊RubberBand與Mr.前晚於紅館舉行《夏日流行音樂節－創意綻放》演唱會，兩隊成員互相比併，分別有RubberBand鼓手泥鯭與Mr.鼓手Tom對唱、阿偉與Dash的低音結他表演，及6號跟Alan的主音合唱，贏得觀眾熱烈掌聲。Alan表示兩隊同期出道，同樣經歷不少：「出道八年到依家成長咗好多，好開心有機會一齊上台玩。」

RubberBand的阿正（中）彈得起勁，主音6號（左）跟Mr.的Alan亦Jam得過癮。

Mr.的MJ（左）及Ronny落力獻技。

Tom（左）與泥鯭唔打鼓玩對唱。

早前Mr.結他手MJ透露曾差點拆夥，他解釋說：「其實係講緊一年半前喺台灣做嘢，當時大家有唔開心，但已經過晒，依家我哋五個感情好好。」RubberBand的6號則說：「我哋都成日嗌交，結果依家咪又喺台度一齊唱歌。」其隊友泥鯭即笑說：「好似『4個小生』咁！希望我哋咁大年紀都可以嗌吓交、打吓交然後又冇事。」