「寸嘴Ada」(4)龐卓欣身形Fit爆有馬甲線，可惜黑眼圈明顯，她受訪時仍自信爆棚，自覺愈戰愈勇！對於賽前被爆愛夜蒲攬仔，Ada表示現已戒蒲：「啲相都2011年。（因為選港姐戒蒲？）唔係，每個時期唔同，依家鍾意瞓覺同睇電視。（爆料者話你鍾意攬仔！）我比較活潑開朗，男女性朋友都有！（擔心影響市民投你票？）唔會，我畀最真一面大家睇，都唔係做錯乜，只係年輕時飲吓嘢。」