超熱門「十優狀元」(1)麥明詩上次穿泳裝失守走光，昨日她表示已做足安全措施，可惜再次露毛！而愈戰愈勇的(3)羅丹虹（Ann）則泳褲現形，相當失策！

麥明詩 狀態跌Watt。

羅丹虹自稱鎖骨夠靚。

麥明詩狀態跌Watt，更有些面青口唇白！但她不忘搞Gag，笑言早上會飲雞精備戰：「我將能量留畀聽（今）日，所以顯得攰啲，到時會盡地一煲喇！（有信心奪冠？）難估，民意難猜測，我見其他佳麗都狀態大勇。（被嚇窒？）唔會，一早見到佢哋潛力。（你啲潛力呢？）已經出晒喇！（點補救？）仲有三分釘嘅！」此外，麥明詩在決賽前一晚於Instagram拉票，上載自己12歲時的獨照：「十二歲的我，唔好意思嗰時唔識化妝，化到成個紙紮公仔咁。聽（今）晚就決賽啦，希望你哋投我一票啦！我想要真后冠！You may vote via TVB Fun App！」

早前減肥見骨的羅丹虹仍是紙板人，她透露已增回兩磅，問會否怕身形單薄輸蝕？她自信地說：「我有長腿，鎖骨都靚。（有咩必殺技？）Catwalk，自己行出嚟有氣勢，希望加到分。」