國際樂壇盛事MTV音樂錄影帶頒獎禮（MTV Video Music Awards、VMA）將於香港時間下周一舉行，而擔任今屆主持的不文天后Miley Cyrus連日來爭取曝光率做宣傳！日前獲英國家長選為最壞名人典範的她未有因而「洗底」，相反變本加厲，日前上名嘴節目時繼續露肉博宣傳！

露肉成癮的Miley亮相名嘴Jimmy Kimmel節目時繼續以奇裝異服示人，以鑲滿珠片的披肩及同款長裙上陣，內裏卻真空冇打底，更在胸前兩點貼上心形閃爍乳貼，令全場嘩然！連「見慣風浪」的Jimmy都顯得大為尷尬，用手遮眼不敢直視。Miley見Jimmy尷尬即叫他轉移視線，只望她雙眼眉：「講真，其實我有少少凍，應該着番件衫！」其後Jimmy追問：「你爸爸Billy Ray Cyrus見到你着到咁上電視會點？」Miley說：「我阿爸都唔識點開電視，不過佢想我做個露胸嘅好人，都好過做個着晒衫嘅壞人！」

插Robin「佢想我咁裸露」

此外，Miley接受《紐約時報》（The New York Times）訪問時重提2013年她與Robin Thicke的富爭議性表演，她表示因為自己是女人才受到如此大爭議，又批評Robin知道表演會是怎樣：「佢（Robin）好似扮到唔知會發生咩事！我話畀你聽：『你有綵排！你根本就知道會有咩事發生。』佢係有份審批我衣着打扮嘅人，所以我覺得整件事好好笑。佢想我有咁裸露得咁裸露，因為佢個MV就係咁。」不過，她表示沒有後悔演出，相反她藉此發現有那麼多人留意自己、自己原來是有力量，又坦承當時已知自己好出名，但不知道代表甚麼，她表明VMA的開場白不會以Robin開玩笑。

踩Nicki唔友善冇禮貌

Miley又批評另一位不文天后Nicki Minaj！她重提獲VMA三項提名的Nicki因不滿落選年度音樂錄影帶大獎提名，而在Twitter留言向獲九項提名的大贏家Taylor Swift開火一事，當時Nicki暗示Taylor唔夠班及認為MTV頻道種族歧視，Miley直指Nicki不大友善及冇禮貌！雖然Nicki批評MTV，但MTV公布Nicki為VMA擔任開場表演嘉賓。有消息指Miley為頒獎禮壓軸表演，與30位人妖同台演出，有指她想令大家印象難忘。

文：外娛組