新進演員馬溱禧憑34C驕人上圍搶鏡，直言比堅尼已是性感底線的她自認外貌太「兇」，希望嘗試做好人角色，但對惡人角色仍來者不拒，把握每個演戲機會。

擁有C Cup逼爆上圍的Heily有豐富的演出經驗，為闖影壇打下強心針！

Heily直言比堅尼已是性感底線。

馬溱禧（Heily）身形嬌小玲瓏，雖然身高只有1米62，卻擁有C Cup逼爆上圍！笑容煞食的她更有「翻版楊秀惠」之稱，她坦言想做到成功的小花：「自己好鍾意演戲，之前亦有好多演出經驗，就算只係臨記、大茄都冇所謂，都係一種演出。」

難忘與古仔合作

問到最想與誰合作，Heily說：「之前有機會拍電影，同古天樂、余文樂合作，真係好難得，好開心！」又自認外表較「兇」，容易令人害怕：「所以次次拍嘢都係做惡人、反派，好想試吓飾演啲正面啲、好人嘅角色，不過我都唔會計較繼續做反派，有時甚至有更大空間發揮，更能夠磨練演技，亦有好多做開反派做到出神入化嘅演員，佢哋個個都好成功，受好多影迷歡迎！而最重要嘅係，你一出場嗰個氣場已經要Show出嚟，咁先夠Power！」

比堅尼已是底線

Heily又直言十分滿意外表及身材：「整容就唔使預我喇！而性感底線就係比堅尼，都唔想露得太多，唔想以性感呢樣嘢去出位，而係想觀眾去注意我嘅實力。」

Profile

姓名：馬溱禧（Heily）

年齡：25歲

身高：1米62

三圍：34C、24.5、34

文：專案組

攝：劉斌