大美人鍾楚紅（紅姑）昨午約12時半，與一名身穿紅色T恤的男親友及助手現身中環名店濕平，三人坐在店內梳化上有傾有講，其後助手發現記者即示意不要拍照。約一小時後，戴上黑超和身穿白色T恤襯牛仔褲的紅姑先步出店舖，疑似「飛釘」的她向記者揮手Say Hi說：「咁多人？」問到是否有斬獲，她說：「有買少少。（鍾意呢個品牌？）唔講啦！（買咗幾多嘢？）我架車到喇！要行快啲。」語畢便登上座駕，而其親戚亦手拿兩大袋戰利品尾隨登車。

紅姑看到記者後不但笑容滿面，還揮手Say Hi，So Nice！

梁漢文買衫之餘亦不忘幫老婆睇波鞋。

另一邊廂，梁漢文昨日獨自到中環行街，甫見記者即笑着打招呼，問到去哪裏，他說：「去攞衫呀！」其後到附近時裝店揀衫。出名錫老婆的他甚有老婆心，看見一對女裝波鞋後即拿手機拍照，再轉發給老婆，兩公婆更一度以短訊對話，未幾他已拿着大袋戰利品離開，未知有冇老婆對波鞋呢？