自言「一路避黑」走過來的傅穎，首度向《好報》自爆當年患上抑鬱症並拒絕「對症下藥」，靠意志力對抗病魔，又直言「因病得福」，懂得正面面對事件，更笑言不覺得新一輯水着相性感，反而自嘲太肥！

Theresa在患病期間堅決不靠藥物醫治，憑意志抗抑鬱！

Theresa向《好報》剖白曾因抑鬱症以致賀爾蒙失調。

Theresa自嘲泳衣照有點肥，望落都唔係啫！

近年在內地發展的傅穎（Theresa）在出道13年間，一度成為城中的「話題女王」，負面新聞不斷的她長期被負能量包圍！Theresa早前接受《好報》獨家專訪，親身剖白過去曾因抑鬱症而困於低谷，壓力大到賀爾蒙失調而狂爆雀斑，更試過情願放棄曝光機會都想避開訪問。

泳衣性感好正常

身在北京的Theresa昨日接受電話訪問時分享擊退「病魔」之路，她直言患上情緒病期間曾打算找心理醫生治療，但最後決定以意志去打敗抑鬱症：「我同身邊朋友都覺得唔好靠藥物去幫自己Get Through呢件事，所以最後都冇睇到，但都唔係話同朋友傾吓偈就得，最緊要係自己諗得通！」提到曾因拍內地劇《望夫成龍》而抑鬱症復發，她坦言完成戲份後足足用了兩個月「自我復原」，但專注於一個角色去拍攝，很多時會令自己較平靜，故很享受現在的工作。

Theresa覺得經歷過抑鬱症反而令她很多看法都有所改變，態度亦更正面：「譬如話啱啱出嘅呢輯相咁，大家就會話『嘩！點解咁性感？』但我一啲都唔覺得性感，着泳衣係好正常，或者我覺得我冇特別去賣弄啲乜嘢，依家再畀人講啲乜嘢都好，唔會影響到我。」她又笑言泳衣相唯一不滿的地方就是不夠瘦，她自爆有時與朋友食飯會因高興而盡情食，結果稍微長肉了：「之前練嗰啲肌肉又變番脂肪，到頭來又要Keep番Fit。」

有男友陪係好事

提到感情生活，Theresa表示一切隨緣：「希望出年情人節都喺工作中度過，不過有人陪都係好事。」她又預告近兩個月會先做好音樂，亦希望今年內可以為自家設計的Pigsa公仔推出產品。

文：音樂組