資深藝人李家鼎日前被指專偷拜神雞及道具雀籠，他對此甚為憤怒，並以「莫須有」罪名來形容，昨日他更於兒子李泳豪的Facebook上載短片澄清，逐點反駁！李家鼎昨日接受本報訪問時指，拍片澄清是囝囝的主意：「如果你話我唔好聲氣、脾氣差都好啲，但依家係話我撻嘢，就真係唔得囉！」

後來他又再三強調自己對雀籠非常講究，根本不會貪「一塊五毫」：「至於雀籠嗰度，我啲雀籠郁啲都幾十萬，最差用嚟粗用都起碼7、8千！上得我手都過萬，而且TVB啲道具全部有編號，咁係咪即係話我夾埋道具部啲人，叫佢放我走？」其後愈講愈嬲，爆粗指事件荒謬：「仲話我未拜神就偷咗隻雞，都戇X！離X晒譜！你估我玉皇大帝咩？」