趙雅芝兒子黃愷傑昨晚與女友Denise出席活動，但記者要求兩人合照時，Denise十分害羞，還找來時裝設計師好友何國鉦作擋箭牌，不肯與男友合照。黃愷傑透露近期正忙於拍攝內地真人騷：「係邊拍邊播嘅，要揸小型飛機，之前喺美國拍，依家喺西安拍，幾刺激，本身完全唔識揸飛機，做機師係我細個嘅興趣同夢想。（酬勞好好？）主要睇機會，之前都有其他真人騷搵過我，不過唔係好啱，今次呢個係自己鍾意嘅，其他嘢都唔睇。（有冇驚險嘢？）有，當我哋係真機師咁訓練，要轉我哋睇我哋暈唔暈，喺40呎高嘅大廈吊我哋出去睇有冇畏高，要自己執生，又要跳降傘，要簽生死狀，嚟緊都會考飛機牌。」

Denise要隔着何國鉦，才肯與男友黃愷傑合照。

合照後Denise立即彈開。

蔣怡穿低胸裙現身，大方又性感。

同場的模特兒蔣怡透露已完成為期九個月的藍帶廚藝課程，想向飲食界發展、做飲食節目、出飲食書又或是跟餐廳合作。