無綫另一「發電廠」蔡思貝昨日與吳啟華、黎諾懿及曹永廉等為新劇《純熟意外》到古洞取景，收起電力的思貝自爆玩女人，指早前拍攝一場食生蠔的戲份時，喪「質」拍檔賴慰玲食生蠔勁有趣：「搞到佢好想NG，有得猛食生蠔！」至於啟華則盡顯功架，單手將襲擊他的「鐵剷男」制服，不失當年做大俠「張無忌」之風範，但他受訪問時笑說：「其實做張無忌好舒服，因為有好多特技，同埋有好多替身。」而他拍《純》劇前曾經特訓一輪，能演「空手入白刃」絕非「天才波」！提到身在內地的女兒即將開學，但啟華竟揚言不希望她讀書太叻：「見到啲朋友嘅仔女讀書讀得叻好有壓力，考開第一變咗二、三就會唔開心，我唔想佢咁。」

蔡思貝（左）自爆喪「質」賴慰玲食生蠔，讓她NG大飽口福。

吳啟華（左）單手制服鐵剷男，身手依然敏捷。