無綫娛樂新聞台主播潘盈慧早前到上海為節目《3日2夜》拍攝外景,期間阿盈玩滑翔傘及揸帆船等刺激活動,又參觀水族館,更被海獅偷襲獻出螢幕初吻,問到被海獅咀的感覺?她笑說:「冇諗過佢咁得意,初初會驚,因為佢有鬚,但佢Kiss快到Feel唔到係點,同埋當時不停幻想如果佢突然咬我點算?」她亦趁此行到南翔古鎮跟師傅學整小籠包:「睇落好似簡單,但我一係餡過多到包唔到,一係就塊皮太細,試好多次包到幾粒似樣,但食完之後就覺得同師傅包嘅兩回事,佢嗰啲有汁,我就冇,可能係手勢問題。」

潘盈慧專誠到南翔古鎮學整小籠包。