跳唱組合Super Girls（SG）早前出席商場活動，即場跳唱新歌《黑色西裝》，SG表示新歌推出後會再錄製兩首新歌，其中一首是從未試過的慘情慢歌，五人笑說：「因為首歌都好慘，我哋要培養個感情，可能真係要搵啲男仔嚟Hurt吓自己，今次新歌仲係好慘嘅慢歌嚟，之前《蓓蕾》都係中慢歌，但真係咁慢就第一次。」她們表示慢歌比較講求唱功，所以會苦練唱歌，希望新歌可以令大家有共鳴。
Super Girls表示會苦練唱功。
