向來以深情見稱的許廷鏗（Alfred）在新歌一反乖仔形象，化身憤怒青年，與樂隊齊齊火燒貨櫃場，大膽挑戰先玩火再濕身，更在雨中Chok盡擺型格甫士。

Alfred拍MV時一反乖仔形象。

化身憤怒青年的Alfred與樂隊合作拍攝。

Alfred在雨中Chok盡擺型格甫士。

許廷鏗日前為電視劇《拆局專家》的主題曲《迷宮》拍攝MV，為了營造氣氛，MV更特意於晚上在貨櫃場拍攝，平日身兼歌手及牙醫兩職的Alfred笑言凌晨時間拍攝，乃工作人員的貼心選擇：「可能大家都想遷就我日間牙醫工作，所以好多MV都喺夜晚拍攝。」

經專人訓練

Alfred在新歌中更挑戰Rock的元素，化身憤怒青年的他除找來一隊Band合作拍攝，更加入不少「火爆」效果：「有一幕我一手拎住點咗火嘅玻璃樽向鏡頭前行過，試點嗰時點得太大火，大家都嚇咗一嚇，又有一幕喺熊熊嘅火堆中跑過，火堆又真係好猛好熱，要跑到好型就一定要好放膽先得。」談到「玩火」要先經專人訓練，他笑言所有動作都要事前度好示範好，保證安全。

眼都擘唔大

經歷猛火的試煉後，MV的最後階段中Alfred更要接受大雨的洗禮，他直言要在雨中擺甫士，Chok起上來有難度！期間更因為效果未滿意而拍了好幾次：「第一次喺大雨中擺甫士演戲，平時睇電視見演員喺雨中仲可以Chok得好有型，但原來係好難，雨打落塊面到真係連眼都擘唔大，而且全身都濕晒，好彩唔係冬天。」

文：音樂組