劉威煌MK尋舊夢

巨聲幫大師兄劉威煌早前殺入旺角做街頭騷，為十月舉行的音樂會主題曲《MY TIME》拍MV，目標是要達成在城市中尋找40個「回憶景點」。威煌笑言在拍攝的過程中找到知音人：「我試過喺大帽山見到隻牛，即場示範對牛彈琴，又試過喺屋邨公園見到個婆婆好支持我哋，叫我哋做人一定要開開心心做想做嘅嘢，最爆係喺機舖有個男人突然拍我哋膊頭，以為阻到佢啦！點知佢話：『唔緊要，我哋都熱愛音樂嘅！』」他又透露是次用了「最貼地氣」的拍攝手法，簡單而真實。