周柏豪向來是風度翩翩的形象，但在新片中卻要飾演一名乸型，對他來說是新嘗試。而戲中女伴王菀之卻性格硬朗，柏豪笑言現實中也想有個硬朗型女友，可以為他趕曱甴。

咪睇周柏豪不苟言笑，銀幕上卻原來是Gag佬本色。

型仔Cool爆的周柏豪，乸型上身，你可估得到！

周柏豪

周柏豪在新片《沒女神探》中飾演一名「娘娘腔」，卻與言行如老粗的王菀之飾演一對，可謂凹凸配。對於娘娘腔的演出，他自言有一定挑戰性，因角色性格與他的歌手形象截然不同。而他在新戲中亦有幽默和搞笑一面，只是大家平日甚少看到。而第二次與王菀之合作的他，覺得彼此有一定的默契，同時亦替王菀之贏得金像獎最佳女配和最佳新演員而感到高興，他說：「身為歌手嘅佢有一個形象，但其實佢唔單止係咁，另一個王菀之都係好搞笑，好有幽默感。」

追求分身術

問到現實中會否喜歡剛強型女子，他笑說：「有時候都想身邊另一半硬朗啲，其實我好怕曱甴，最好我遇到曱甴時女朋友會突然嚟救我。」近年他在音樂上的成績有目共睹，他希望電影上亦有好成績：「我覺得係一個好嘗試，呢個階段咩角色都想試吓，因為每一個都係機會，電影上可以做好多唔同嘅嘢，成日以同一個樣見人都怕觀眾睇到悶，所以電影世界可以畀大家見到唔同嘅我，對我嚟講係好事。」

文：影視組

髮型：Cliff Chan @ Hair Corner

化妝：GiGi Liu

場地：Topiary Bar