楊怡、張繼聰、林夏薇及楊明等昨日在上環出席無綫新劇《收規華》的宣傳活動，一眾台前幕後更即場推出蛋糕，為本月30日生日的楊怡提早慶生。楊怡今年生日雖然毋須工作，惟男友羅仲謙身在台灣開工，未能一齊慶祝，問她會否收到驚喜？她笑說：「我唔受得住喎！同埋佢都好早過咗去拍，不過我諗佢都會畀個訊息我嘅！」但她非常精打細算，笑言現時不望有「樓」做禮：「依家唔係入市好時機！」

張繼聰（左）和楊明為月底生日的楊怡提早慶祝。

林夏薇（右）欲向壽星女楊怡獻吻。

而張繼聰被爆在拍劇期間常在女同事面前「甩褲」，他笑說：「支槍太勁，成日走火！」更大呻在寒冷天氣和淋雨下拍攝，以致腳震兼抽筋！他又解釋「收規華」是收賄之意，稱號很有發揮空間：「可以變做『收視華』，亦有好多唔同虧（規）。」林夏薇亦因剛榮升人妻而還「飯債」，惟不設防「造人」則要待宣傳活動結束，更稱會偕老公欣賞她的咀嘴親熱戲：「佢會好認真咁睇！仲會有意見畀到我。」