候選港姐昨日互選「友誼小姐」，結果眾望所歸由(5)林凱恩奪得。日前出席游泳比賽時抽筋遇溺的林凱恩上台領獎時顯得激動，她受訪時說：「好驚喜，自己喺佳麗裏面好似男仔咁去保護佢哋，有時佢哋整親，我會好似跌打師傅咁幫佢哋捽散瘀。」

（左起）：麥明詩、龐卓欣、林凱恩、郭嘉文
麥明詩、龐卓欣和郭嘉文齊賀林凱恩奪友誼小姐。

兩熱門(1)麥明詩和(4)龐卓欣皆表示投了林凱恩一票，麥明詩面露疲態明顯跌Watt：「有啲攰，要排練冇時間瞓，決賽要靠信心、意志。（壓力大？）有壓力，大家都狀態大勇。（有冇諗過滑鐵盧？）成日都諗，諗定先好。」龐卓欣被問到可驚滑鐵盧？她說：「有，驚第一圈畀人淘汰，要準備好心理，全民投票嘛！（有冇呼籲親戚投票？）會呀！我好多親戚o架！」昨日剛巧是(9)郭嘉文的23歲生日，佳麗齊齊為她唱生日歌切蛋糕慶祝。

大會司儀陳百祥（阿叻）認為今年賽制取消了大會評判，由全民投票選出會更公平。上屆港姐冠軍邵珮詩則睇好麥明詩、(3)羅丹虹及龐卓欣。